चिकित्सा शिक्षा आयोगको निर्णयले रोकिएको पीसीएल नर्सिङ कार्यक्रम पुनः सञ्चालन हुने

काठमाडौं । चिकित्सा शिक्षा आयोगको निर्णयका कारण लामो समयदेखि रोकिएको प्रमाणपत्र तह नर्सिङ (पीसीएल नर्सिङ/स्टाफ नर्स) कार्यक्रम पुनः सञ्चालन हुने सम्भावना बढेको छ ।

उच्च अदालत पाटनले कानुनद्वारा तोकिएका मापदण्ड पूरा गर्ने संस्थाहरूको हकमा उक्त कार्यक्रम सञ्चालनमा कुनै कानुनी रोकावट नहुने निर्णय दिएको थियो । तर, उक्त निर्णय व्यावहारिक रूपमा कार्यान्वयन हुन सकेको थिएन । अब प्रक्रिया अगाडि बढेको हो ।