‘महाकाव्य श्री रामायण कथा’ फ्लप भएपछि निर्माताले लगाए ‘रामायण’ टिममाथि नकारात्मक मार्केटिङको आरोप

भारतीय कन्टेन्ट क्रियटर अञ्जली अरोडाको अभिनय रहेको फिल्म ‘महाकाव्य श्री रामायण कथा’ बक्स अफिसमा फ्लप भएपछि उक्त फिल्मको निर्माता प्रकाश महोबियाले रणबीर कपूरको ‘रामायण’को टिममाथि आफ्नो फिल्मविरुद्ध नकारात्मक मार्केटिङ गरेको आरोप लगाएका छन्।

नितेश तिवारीको निर्देशनमा रणबीर कपूर र यश अभिनीत ‘रामायण’ यसै दीपावलीको अवसरमा सिनेमाघरमा रिलिज हुने तयारीमा छ। यो ठूलो बजेट र चर्चित कलाकारहरू भएको फिल्म रिलिज हुनुअघि नै पौराणिक महाकाव्यमा आधारित अर्को फिल्म ‘महाकाव्य श्री रामायण कथा’ २५ सेप्टेम्बरमा भारतको सिनेमाघरमा रिलिज भएको थियो।