शनिबारबाट मानव अधिकार अन्तर्राष्ट्रिय चलचित्र महोत्सव

काठमाडौं । ‘११ औं नेपाल मानव अधिकार अन्तर्राष्ट्रिय चलचित्र महोत्सव–२०२३’ शनिबारबाट सुरु हुने भएको छ । बिहिबार पत्रकार भेटघाट आयोजना गर्दै आयोजक पक्षले सो महोत्सबको तयारी पुरा भएको जनाएको छ । मानव अधिकार चलचित्र केन्द्रको आयोजनाले यो महोत्सब आयोजना गर्न लागेको हो । महोत्सब २३ मंसिरबाट २६ मंसिरसम्म काठमाडौंका प्रदर्शनी मार्गस्थित नेपाल पर्यटन बोर्ड र चाबहिलस्थित चलचित्र विकास बोर्डको सभा हलमा आयोजना हुने महोत्सब निर्देशक पाण्डब खत्रीले जनाएका छन् ।

यो महोत्सबमा विभिन्न २६ देशका ५४ वटा चलचित्र प्रदर्शन गरिने आयोजक पक्षले जनाएको छ । निर्देशक खत्रीको अनुसार महोत्सवको उद्घाटन समारोहमा वृत्तचित्र ‘द एज अफ लर्निङ’ प्रदर्शन गरिने भएको छ ।यो चलचित्रलाई सुभांगी खड्काले बनाएकी हुन् ।