मुख्य सामग्रीमा जानुहोस्

समाचार

देश

कहिले पाउने समयमा उपचार ?

rajdhanidaily.com · Wed Jan 19 23:24:07 GMT 2022

बैतडी जिल्लामा रहेको दशरथचन्द नगरपालिकाको डुंगरा भन्ने गाउँमा केही दिन अगाडि एक जना दाइको लडेर खुट्टा भाँचियो । ती दाइ मानसिक तथा शारीरिक रूपमा अशक्त छन् । सरकारले उनलाई अशक्त भत्ता उपलब्ध गराउँछ । अशक्त भएसँगै उनलाई छारेरोगको समस्या समेत रहेको छ । कतिखेर कहाँ लड्छन्, केही थाहा हुँदैन । त्यसैले एक जना उनको वरिपरि भइरहनुपर्छ । घरको सिंढीबाट ओर्लिँदा लडेर तिघ्राको हड्डी भाँचिएकाले त्यहाँ उपचार हुन नसक्ने भन्दै बैतडी जिल्ला अस्पतालले उनलाई धनगढी रेफर ग¥यो । आकस्मिक भएकाले मंसिर २३ गते लडेको दोस्रो दिन नै भ्यान रिजर्भ गरेर ९÷१० घण्टाको यात्रा गर्दै घाइते दाइसँगै घरका अन्य दुई जना पनि आए ।

लुगाहरू फेरि दिनुपर्ने शौचालय लग्ने, हातमुख धोइदिने सबै काम अरूले नै गरिदिनुपर्छ । मंसिर २३ गते बेलुकी पाँच नबज्दै उनलाई धनगढीको अस्पताल पु¥याइयो । तिघ्राको हड्डी नै भाँचिएकाले गहिरो चोट लागेको र छिटोभन्दा छिटो अपरेसन गर्नुपर्ने डाक्टरले सुझाए । अपरेसनका लागि चाहिने रगत, औषधिलगायत अन्य सामग्रीको व्यवस्था भइरहेको थियो । सुरुमा डाक्टरले भोलि या पर्सि नै अपरेसन हुन्छ भनिरहेका थिए । केही दिनपछि मेसिन बिग्रियो भने । त्यसपछि मंगलबार र शुक्रबार मात्रै अपरेसन हुने भएकाले पर्खिनुपर्ने बताए ।

स्रोतमा पूरा पढ्नुहोस् (rajdhanidaily.com)