चिनियाँ राष्ट्रपति सी पुगे उत्तर कोरिया

काठमाडौं– चिनियाँ राष्ट्रपति सी जिनपिङ राजकीय भ्रमणका क्रममा उत्तर कोरिया पुगेका छन् ।

उनलाई उत्तर कोरियाली सर्वोच्च नेता किम जोङ उन र उनकी पत्नी री सोल जुले विमानस्थलमा स्वागत गरेका छन् ।

सीसीटीभी फुटेजमा रातो गलैँचासहित किम दम्पतीले मुस्कुराउँदै ताली बजाएर स्वागत गरेको देखिन्छ, जहाँ सैनिकहरू लाइनबद्ध रूपमा तैनाथ थिए ।

यद्यपि, उक्त भिडियोमा राष्ट्रपति सी र उनको टोली देखाइएको छैन ।

अर्को तर्फ सिन्ह्वाले भने किम र सी बीच हात मिलाएर भेट भएको तथा बालबालिकाले पुष्पगुच्छा अर्पण गरेको विवरण सार्वजनिक गरेको छ ।

भ्रमणमा के–कस्ता विषयमा छलफल भइरहेको छ भन्नेबारे भने दुवै देशले विस्तृत जानकारी दिएका छैनन् ।

थप विवरण आउन बाँकी छ ।

प्रतिक्रिया दिनुहोस्