कोप–३१ मा जलवायु वित्त र ऊर्जा रूपान्तरण मुख्य मुद्दा बन्ने

पेरिस- विश्वव्यापी तापक्रम वृद्धि र जलवायुजन्य क्षति बढिरहेका बेला टर्कीको अन्ताल्यामा आगामी नोभेम्बर ९ देखि सुरु हुने कोप–३१ सम्मेलनमा जलवायु वित्त, ऊर्जा रूपान्तरण र बढ्दो जलवायु सङ्कट प्रमुख मुद्दा बन्ने भएका छन्।

यसपटक टर्कीले सम्मेलन आयोजना गर्दैछ भने अस्ट्रेलियाले वार्ताको नेतृत्व गर्नेछ। जीवाश्म इन्धनको प्रयोग घटाउने उपायका रूपमा ‘विद्युतीकरण’लाई विशेष प्राथमिकता दिइने भएको छ। सन् २०३५ सम्म अन्तिम ऊर्जा मागमा विद्युत्को हिस्सा २० प्रतिशतबाट बढाएर ३५ प्रतिशत पुर्‍याउने स्वैच्छिक लक्ष्यमा राष्ट्रहरूलाई प्रतिबद्ध गराउने प्रयास हुनेछ।