व्यवसायमा अब्बल बनेका अपाङ्गता भएका वीरबहादुरहरू

धनगढी । कञ्चनपुर जिल्ला पुनर्वास नगरपालिका–३ का वीरबहादुर तमाङले बाल्यकालमै आँखाको ज्योति गुमाए । जन्मिदा भने उनी सबलाङ्ग नै थिए । सानैदेखि विद्यालय पनि जान थाले तर विस्तारै उनको आँखामा समस्या देखिन थाल्यो । आँखाका ज्योति कम हुने समस्या देखियो । कक्षा ७ मा पुगेपछि उनका दुवै आँखा बन्द भए अनि पढाइ पनि छोडे ।

समयमा उपचार नपाएका उनले हेर्दै आएको उज्यालो संसार पूरै अन्धकारमय बन्यो । आँखा देख्न छोडेपछि उनको शिक्षा प्राप्त गर्न विद्यालयको ढोका पनि बन्द हुन पुग्यो । अनि उनको जीवन झनै सकसपूर्ण बन्दै गयो ।