आफैं थलिएको जनकपुर प्रादेशिक अस्पताल : आईसीयू कुर्दाकुर्दै जान्छ बिरामीको ज्यान

२० असोज, जनकपुरधाम । जनकपुरधाम उपमहानगरपालिका–९ की ६५ वर्षीया मिथिलादेवी कर्ण सोमबार बिहान जनकपुर प्रादेशिक अस्पतालको आकस्मिक कक्षमा छटपटाइरहेकी थिइन् ।

लामो समयदेखि दम रोगबाट थलिएकी मिथिलादेवीलाई आईसीयूमा भर्ना गर्नुपर्ने थियो । तर प्रादेशिक अस्पतालमा रहेको ७ बेडको आईसीयू बिरामीले भरिएको थियो ।