दसैंमा पर्यटकीय स्थलमा लिङ्गे पिङ, सांस्कृतिक पर्यटन प्रवर्द्धनमा पर्यटन बोर्ड

काठमाडौं । नेपालीको मौलिक संस्कृति र दसैंको परम्परालाई पर्यटनसँग जोड्ने उद्देश्यले नेपाल पर्यटन बोर्डले देशका विभिन्न पर्यटकीय गन्तव्यमा लिङ्गे पिङ निर्माण गरी सञ्चालन गर्ने भएको छ।

बोर्डको पर्यटन सम्पदा तथा पर्यटन विकास महाशाखाले स्थानीय तह र पर्यटन क्षेत्रसँग आबद्ध संघसंस्थासँग सहकार्य गरी काठमाडौं उपत्यकासहित विभिन्न पर्यटकीय क्षेत्रमा पिङ राख्ने तयारी गरेको हो।