बृद्ध–बृद्धा र अशक्तलाई घर मै पुगेर कार्ड नवीकरण

राजविराज । राजविराज नगरपालिकाले जेष्ठ नागरिक तथा शारिरीकरुपमा अशक्त भएका हरुको घर मै पुगेर समाजिक सुरक्षा कार्ड नविकरण गर्न थालेको छ ।

पहिलो दिन राजविराज नगरपालिका ७ कि १ सय २ वर्षिया बचिया देवी यादव र ८१ वर्षिया जगदम्बा देवी देवको घर मै पुगेर समाजिक सुरक्षा भत्ता कार्ड नविकरण गरिएको हो । भदौ मसान्त भित्र कार्ड नविकरण नगराए सरकारबाट पाउने उक्त सेवा सुविधाबाट बन्चित हुने भएकाले बृद्ध बृद्धा र शारिरीक रुपमा अशक्तको घर मै पुगेर नविकरण कार्य सूरु गरीएको राजविराज नगरपालिकाकी कार्यवाहक नगर प्रमुख इसरत परवीनले जानकारी दिइन ।