मोदीको २५ वर्षे नेतृत्व : विकासदेखि सुरक्षासम्म १० उपलब्धि प्रस्तुत

काठमाडौं । भारतीय मन्त्रिपरिषद्ले प्रधानमन्त्री नरेन्द्र मोदीले सरकार प्रमुखका रूपमा निरन्तर २५ वर्ष नेतृत्व पूरा गरेको अवसरमा उनको राजनीतिक यात्राको प्रशंसा गर्दै प्रस्ताव पारित गरेको छ ।

मंगलबार बसेको मन्त्रिपरिषद् बैठकले पारित गरेको प्रस्तावमा मोदीको गुजरातको मुख्यमन्त्रीदेखि भारतको प्रधानमन्त्रीसम्मको यात्रालाई ‘राष्ट्र प्रथम र नागरिक प्रथम’ भन्ने मूल धारणाबाट निर्देशित नेतृत्वका रूपमा चित्रण गरिएको छ । गुजरातमा तीनपटक र लोकसभा निर्वाचनमा लगातार तीनपटक प्राप्त जनसमर्थनलाई प्रस्तावले मोदीप्रति जनताको निरन्तर विश्वासका रूपमा उल्लेख गरेको छ ।