स्वास्थ्य सचिव डिल्लीराम शर्माको बिदाइ, मन्त्री मेहताले भनिन्– ‘सरुवा होइन, प्रधानमन्त्री कार्यालयसँग जोड्ने सेतुको रूपमा लिएकी छु'

काठमाडौं- स्वास्थ्य तथा जनसंख्या मन्त्रालयका प्रशासन तर्फका सचिव डिल्लीराम शर्मालाई एक विशेष कार्यक्रमका बीच बिदाइ गरिएको छ। प्रधानमन्त्री तथा मन्त्रिपरिषद्को कार्यालयमा सरुवा भएका सचिव शर्मालाई स्वास्थ्य मन्त्री निशा मेहतासहित मन्त्रालयका उच्च अधिकारी र कर्मचारीहरूले बिदाइ गरेका हुन्।

बिदाइ कार्यक्रममा बोल्दै स्वास्थ्य मन्त्री निशा मेहताले सचिव शर्माको कार्यशैली र प्रशासनिक दक्षताको उच्च प्रशंसा गरेकी छिन्। शर्मालाई ‘डाउन टु अर्थ’ (सरल) र कहिल्यै झर्को नमानी काम गर्ने प्रवृत्तिको प्रशासकका रूपमा आफूले लिएको मन्त्री मेहताले बताइन्।