मन्त्री बादी र मेहताबिच छलफल : लक्षित समुदायको सशक्तीकरणका लागि दुई मन्त्रालयबिच समन्वय बढाइने

काठमाडौँ । महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा मन्त्री सीता बादी र स्वास्थ्य तथा खाद्य स्वच्छता मन्त्री निशा मेहताबिच भेटवार्ता भएको छ।

मन्त्रालयमा भएको उक्त भेटका क्रममा दुई मन्त्रालयबिचको समन्वय र सहकार्यलाई थप प्रभावकारी बनाउने विषयमा केन्द्रित रहेर छलफल भएको छ। भेटका अवसरमा विशेष गरी महिला, बालबालिका, ज्येष्ठ नागरिक, अपाङ्गता भएका व्यक्ति, लैङ्गिक तथा यौनिक अल्पसङ्ख्यक समुदायका स्वास्थ्य र सामाजिक सुरक्षासँग सम्बन्धित मुद्दाहरूमा कुराकानी भएको थियो।