लेबनानमा इजरायलको हमला : सोमबार मृत्यु हुनेको संख्या ३५६ पुग्यो

बेरुत । लेबनानमा इजरायली आक्रमणबाट मृत्यु हुनेको संख्या ३५६ पुगेको छ । त्यहाँस्थित स्वास्थ्य मन्त्रालयका अनुसार सोमबार बिहानैदेखि दक्षिणी लेबनान, बेका र बालबेकका सहर र गाउँहरूमा इजरायली हमलाका कारण ३५६ जनाको मृत्यु भएको छ। मृत्यु हुनेमा २४ जना बालबालिका र ४२ महिला रहेका छन् ।

आक्रमणमा परी एक हजार २४६ जना घाइते भएका छन् । आक्रमणपछि देशको दक्षिणी भागका दसौँ हजार मानिसहरू आफ्नो घर छोडेर भाग्न बाध्य भएका लेबनानका स्वास्थ्य मन्त्री फिरास अबियादले बताएका छन् ।