अख्तियार प्रमुख राईलाई ज्यान मार्ने धम्की दिने पाठक जेल चलान

काठमाडौं । अख्तियार दुरुपयोग अनुसन्धान आयोगका प्रमुख आयुक्त प्रेमकुमार राई लगायतलाई ज्यान मार्ने धम्की दिएको आरोपमा मुद्दा दायर भएका प्रकाश पाठक पुर्पक्षका लागि जेल चलान भएका छन् ।

काठमाडौं जिल्ला अदालतका न्यायाधीश सुदर्शन लामिछानेको इजलासमा सुनुवाइ सकिएपछि पाठकलाई पुर्पक्षका लागि थुनामा पठाउन आदेश भएको हो । अदालतले मुलुकी फौजदारी कार्यविधि संहिता, २०७४ को दफा ८० बमोजिम थुनुवा पूर्जी दिएर कारागार चलान गर्न भनेको छ ।