वीरमा महिनामा ३०–४० ब्रेन ट्युमर शल्यक्रिया, अब एक महिनासम्म निःशुल्क

२५ जेठ, काठमाडौं । वीर अस्पतालस्थित राष्ट्रिय ब्रेन ट्युमर केन्द्र (एनबीटीसी)ले आगामी एक महिनासम्म ब्रेन ट्युमरका बिरामीलाई निःशुल्क शल्यक्रिया सेवा दिने भएको छ ।

सोमबार विश्व ब्रेन ट्युमर दिवसको अवसरमा अस्पतालले अबको एक महिनासम्म दर्ता हुने बिरामीको शल्यक्रिया शुल्क मिनाहा गर्ने घोषणा गरेको हो । वीर अस्पतालले सोमबार बिहान ब्रेन ट्युमर सम्बन्धी जनचेतनामूलक र्‍याली आयोजना गरेको थियो ।