हालान्ड चम्किँदा म्यानचेस्टर सिटी शीर्ष स्थानमा उक्लियो

काठमाडौँ । इङ्ग्लिस प्रिमियर लिग अन्तर्गत शनिबार राति भएको खेलमा म्यानचेस्टर सिटीले वेस्ट ह्याम युनाइटेडलाई ३-० ले पराजित गर्दै अंक तालिकाको पहिलो स्थानमा उक्लिएको छ । घरेलु मैदानमा सिटीले सुरुदेखि नै खेलमा दबदबा बनाएको थियो ।

सिटीको जितमा स्ट्राइकर एर्लिङ हालान्ड चम्किए । उनले खेलको ५ औँ मिनेटमै गोल गर्दै टोलीलाई अग्रता दिलाए भने ६९ औँ मिनेटमा दोस्रो गोल थपे। पहिलो हाफको ३८ औँ मिनेटमा हालान्डकै पासमा तिज्जानी राइन्डर्सले गोल गर्दै सिटीको अग्रता दोब्बर बनाए ।