व्हाट्सएपले ल्यायो स्मार्ट ग्रुप च्याट फिचर, अब पोलमा समयसीमा पनि राख्न मिल्ने

काठमाडौं । व्हाट्सएपले ग्रुप च्याटलाई थप व्यवस्थित, प्रभावकारी र प्रयोगमैत्री बनाउन नयाँ अपडेट सार्वजनिक गरेको छ । कम्पनीका अनुसार नयाँ सुविधाले समूहमा हुने छलफललाई सहज बनाउनुका साथै छिटो निर्णय लिन र महत्वपूर्ण सन्देश छुट्न नदिन सहयोग गर्नेछ ।

नयाँ अपडेटअन्तर्गत पहिलेदेखि उपलब्ध @all र Polls फिचरमा सुधार गरिएको छ । साथै, पुरानो ग्रुपबाटै सजिलै नयाँ ग्रुप सिर्जना गर्न सकिने सुविधा पनि थपिएको छ । व्हाट्सएपले पोल फिचरलाई थप उपयोगी बनाउँदै प्रयोगकर्ताले अब मतदानका लागि समयसीमा (टाइमर) निर्धारण गर्न सक्ने व्यवस्था गरेको छ । तोकिएको समय सकिएपछि मतदान स्वत: बन्द हुनेछ ।