अन्तिम खेल १० विकेटले सुम्पियो नेपालले, क्लिन स्वीप गर्ने सपना अधुरो

काठमाडौं। अन्तिम खेलमा १० विकेटको हारसँगै नेपालले वेस्ट इन्डिजविरुद्धको ऐतिहासिक टी-२० आई सिरिज समाप्त गरेको छ।

पहिलोपल्ट टेस्ट टोलीसँग सिरिज खेलेको नेपालले एक खेलअगाबै २-० ले नतिजा आफ्नो पक्षमा पारिसकेको थियो। त्यसैले तीन मुख्य खेलाडी आसिफ शेख, दीपेन्द्रसिंह ऐरी र ललित राजवंशीलाई विश्राम दिएर उत्रिएको नेपालले फराकिलो हार बेहोरेको हो।