कतारमा व्यवसाय गर्दै आएका नेपाली व्यवसायीले त्रिभुवन विमानस्थलमा सहज आवतजावतको सुविधा पाउने

कतारमा व्यवसाय गर्दै आएका नेपाली व्यवसायीहरूले त्रिभुवन विमानस्थलबाट सहज आवतजावतको सुविधा पाउने भएका छन् । नेपाली व्यवसायी संघ कतारमा आबद्ध रहेर कतारमा व्यवसाय गर्दै आएका नेपाली व्यवसायीहरूलाई त्रिभुवन अन्तर्राष्ट्रिय विमानस्थलबाट सहज आवतजावतका लागि नेपाल सरकार र संघबीच सम्झौता भएको छ ।

आज श्रम, रोजगार तथा सामाजिक सुरक्षामन्त्री शेरबहादुर कुँवरको उपस्थितिमा वैदेशिक रोजगार विभागका महानिर्देशक उमाकान्त आचार्य, वैदेशिक रोजगार बोर्डकी निर्देशक मैया कँडेल र नेपाली व्यवसायी संघ कतारका अध्यक्ष महेन्द्र चौलागाईंले उक्त समझदारीपत्रमा हस्ताक्षर गरेका हुन् ।