बक्स अफिस कलेक्सन : ‘लालीबजार’ ९ करोड नजिक, ‘परालको आगो’ को व्यापार ४ करोड माथि

काठमाडौँ- चलचित्र विकास बोर्डले नेपाली चलचित्रहरूको बक्स अफिस रिपोर्ट पारदर्शी बनाउने उद्देश्यका साथ फिल्महरूको कमाइ विवरण सार्वजनिक गरेको छ। बोर्डले सोमबार 'लालीबजार' सहित हालै प्रदर्शनमा आएका ७ वटा नेपाली चलचित्रहरूको पछिल्लो बक्स अफिस कलेक्सन रिपोर्ट सार्वजनिक गरेको हो।

बोर्डले अबदेखि हरेक हप्ताको सोमबार (अघिल्लो हप्ताको आइतबारसम्मको) बक्स अफिस रिपोर्ट नियमित रूपमा सार्वजनिक गर्ने निर्णय समेत गरेको छ।