‘भेलामा गएकै कारण जनप्रतिनिधिलाई कारबाही हुँदैन’

नेपाली कांग्रेसको क्रियाशील सदस्यता अद्यावधिक गर्ने समयसीमा सकिए पनि त्यससँग जोडिएको राजनीतिक विवाद टुंगिएको छैन। विशेष महाधिवेशनमा सहभागी नभएको समूहले साउन २९ देखि ३१ गतेसम्म राष्ट्रिय भेला गर्ने घोषणा गरेपछि पार्टीभित्र विभाजनको आशंका पनि बढेको छ।

विशेष महाधिवेशनबाट निर्वाचित नेतृत्वले भने निर्वाचन आयोग र सर्वोच्च अदालतबाट वैधानिकताको विवाद टुंगिसकेकाले अब सबै पक्ष १५औं महाधिवेशनमा सहभागी हुनुपर्ने बताउँदै आएको छ। असन्तुष्ट पक्षका नेताहरूलाई केन्द्रीय कार्यसमितिमा समेट्ने वा छुट्टै राजनीतिक संयन्त्र बनाएर महाधिवेशनसम्म सहकार्य गर्ने विकल्पमा पनि छलफल भइरहेको छ।