कैलाली–५ मा नाउपा नेपालका उम्मेदवार रास्वपा प्रवेश

धनगढी । कैलालीको निर्वाचन क्षेत्र नम्बर ५ का नागरिक उन्मुक्ति पार्टी (नाउपा) नेपालका उम्मेदवार राष्ट्रिय स्वतन्त्र पार्टी (रास्वपा) प्रवेश गरेका छन् । नाउपा नेपालका कैलाली निर्वाचन क्षेत्र नम्बर ५ का उम्मेदवार जगन्नाथ चौधरी मंगलवार रास्वपा प्रवेश गरेका हुन् ।

रास्वपाको धनगढीस्थित कार्यालयमा रास्वपा केन्द्रीय सदस्य लक्ष्मण थारु र रास्वपा उम्मेदवार डाक्टर आनन्दबहादुर चन्दले चौधरीलाई माला र खादा ओडाएर पार्टी प्रवेश गराएका हुन् ।