विप्लवले गरे नयाँ कम्युनिस्ट केन्द्र बनाउन प्रस्ताव

काठमाडौं । नेकपा माओवादीका महासचिव नेत्रविक्रम चन्द विप्लवले नयाँ कम्युनिस्ट केन्द्र बनाउन प्रस्ताव गरेका छन् । बुधबार काठमाडौँमा पत्रकार सम्मेलन गरी विप्लवले नयाँ कम्युनिस्ट केन्द्र बनाएर आन्दोलनलाई फराकिलो बनाउनुपर्ने बताएका हुन् ।

‘कम्युनिस्ट आन्दोलनका लागि हाम्रो प्रस्ताव छ । नयाँ कम्युनिस्ट केन्द्र बनाएर जाऊँ । फराकिलो तरिकाले कम्युनिस्ट आन्दोलनलाई पुनर्गठन गर्नुपर्छ । तर नयाँ दृष्टिकोण हुनुपर्छ । दुई दशक कम्युनिस्ट नेताहरूलाई हेर्दा ७० प्रतिशत जनम खुम्चिएको छ । त्यो पनि उत्साहित छैन’, उनले भने ।