परराष्ट्रमन्त्री खड्का मंगलबार चीन जाँदै, बीआरआई अन्तर्गत कुनै सम्झौता नहुने

ताइवान तनावका बीच नेपालले एक चीन नीतिमा प्रतिबद्धता दोहर्‍याउने

परराष्ट्रमन्त्री डा. नारायण खड्का तीन दिने भ्रमणमा मंगलबार साँझ चीनतर्फ जाँदैछन्। चिनियाँ विदेशमन्त्री वाङ यीको मैत्रीपूर्ण निमन्त्रणामा खड्का उत्तरी छिमेकीको औपचारिक भ्रमणमा जान लागेका हुन्। २०७८ असारमा देउवा सरकार बनेपछि नेपालका तर्फबाट चीनतर्फ हुन लागेको यो नै उच्चस्तरीय भ्रमण हो।