एलन मस्कको ट्वीटर किन्ने प्रस्तावमा विचार गर्ने कम्पनीको भनाइ

काठमाडौँ — खर्बपति एलन मस्कले प्रतिकित्ता ५४.२० डलरमा ट्वीटरको सम्पूर्ण सेयर खरिद गर्नेबारे राखेको प्रस्तावमा कम्पनीले विचार गर्ने जनाएको छ । मस्कले ४३ खर्ब डलर नगदमा कम्पनी किन्न आफू तयार रहेको जनाएका छन् ।

‘ट्वीटरका बोर्ड डिरेक्टरहरूले कम्पनी र यसका शेयरधनीहरूको सर्वोत्तम हित हुने गरी उक्त प्रस्तावलाई ध्यानपूर्वक विचार (रिभ्यु) गर्नेछन्,’ मस्कको प्रस्तावको प्रतिकृयामा ट्वीटरले यस्तो वक्तव्य सार्वजनिक गरेको छ ।