हङकङले नेपाललाई दियो १८९ रनको लक्ष्य

काठमाडौं । एसियन गेम्स छनोटको उपाधिका लागि हङकङले नेपालविरुद्ध चुनौतीपूर्ण लक्ष्य प्रस्तुत गरेको छ । सिंगापुर नेसनल क्रिकेट ग्राउन्डमा आज भएको फाइनल खेलमा हङकङले निर्धारित २० ओभरमा ७ विकेट गुमाउँदै १८८ रन जोडेको हो ।

हङकङका लागि मध्यक्रमका ब्याटरहरूले उत्कृष्ट प्रर्दशन गरे। सुरुआती विकेट सस्तैमा गुमाए पनि अंशुमन रथले विस्फोटक ब्याटिङ गर्दै टोलीको इनिङ्स सम्हालेका थिए। उनले मात्र ४५ बलमा ६ चौका र ६ छक्काको मद्दतले सर्वाधिक ८० रनको योगदान दिए।