म राष्ट्रपति बन्दा संविधानको संरक्षण हुन्छ भन्ने भरोसा रहेको पाएँ– पौडेल

नेपाली कांग्रेसका वरिष्ठ नेता तथा राष्ट्रपति पदका उम्मेदवार रामचन्द्र पौडेलले राष्ट्रपति उम्मेदवारको रुपमा आफूमाथि सबैले भरोसा राखेको बताएका छन् । आठ दलका सबै सांसदहरु आफ्नो उम्मेदवारीप्रति सकारात्मक रहेको पनि उनले बताए ।

बिहीवार आठ दलको तर्फबाट राष्ट्रपति निर्वाचनलाई केन्द्रित गरी सांसदहरुका लागि आयोजना गरिएको अभिमुखिकरण कार्यक्रमपछि सञ्चारकर्मीहरुलाई संक्षिप्त प्रतिक्रिया दिँदै पौडेलले उम्मेदवार बनेपछि सबैको माया पाएको बताएका हुन् ।