बजेट कार्यान्वयनमै चुनौती, निजी क्षेत्रको मनोबल बढाउनुपर्नेमा महासंघ अध्यक्ष श्रेष्ठको जोड

काठमाडौं- नेपाल उद्योग वाणिज्य महासंघका अध्यक्ष अञ्जन श्रेष्ठले आगामी आर्थिक वर्षका लागि सरकारले ल्याएको बजेट र आर्थिक नीतिका लक्ष्यहरू सकारात्मक भए पनि तिनको प्रभावकारी कार्यान्वयन मुख्य चुनौती रहेको बताएका छन्।

सोमबार महासंघद्वारा आयोजित कार्यक्रममा उनले बजेटले निजी क्षेत्रका धेरै सुझाव र मागहरू समेट्न खोजेको उल्लेख गर्दै घोषणा र कार्यान्वयनबीचको खाडल पुर्न नसके अपेक्षित नतिजा हासिल गर्न कठिन हुने बताए। उनले कर प्रणालीमा रहेका केही व्यवस्थाप्रति असन्तुष्टि जनाउँदै साविककै १ प्रतिशत करको व्यवस्था कायम राख्न र कर विवाद फर्छ्योटका लागि दिइएको सुविधा २०८३ चैत मसान्तसम्म विस्तार गर्न सरकारसँग आग्रह गरे।