‘नजाने भो हाम्रो दुःख’मा गरिबीको व्याथा

काठमाडौं । गायक शिशिर योगीको स्वरमा राष्ट्रिय भावको नयाँ गीत ‘नजाने भो हाम्रो दुःख’ दर्शकमाझ आएको छ । बुधबार काठमाडौंमा एक समारोहबीच यो गीतको भिडियोलाई अग्रज गीतकार राजेन्द्र थापा, गीतकार संघ नेपालका अध्यक्ष बसन्त वित्यासी थापा तथा यो गीतका विभिन्न कलाकारहरुले सँयुक्त रुपमा बिमोचन गरे ।

यो गीतमा अहिलेको मुलुकमा बढ्दो गरिबी, बेरोजगारी र रोजगारीका कारण युवाहरु खाडी मुलुक जाँदा गाउँ रित्तिएको समस्यालाई प्रस्तुत गरिएको छ । गीतलाई नारद पोखरेलले लेखेका हुन भने प्राज्ञ ज्योती प्रकाशले यसमा संगीत गरेका हुन् । जसमा नरेन्द्र बियोगीको संगीत संयोजन, महेश्वमान राजभण्डारीको मिक्सिङ रहेको छ ।