पशुपतिनाथ मन्दिरभित्र प्रवेश गरेको आरोपमा दम्पती पक्राउ

काठमाडौँ । काठमाडौँको पशुपतिनाथ मन्दिरभित्र प्रवेश गरेको आरोपमा प्रहरीले सुनसरीबाट दुई जनालाई पक्राउ गरेको छ । पक्राउ पर्नेमा इटहरी उपमहानगर पालिका–८ घर भएका ३१ वर्षको आसिम अन्सारी र उनकै पत्नी ३१ वर्षीया प्रियंका परियार छन् ।

प्रहरी वृत्त गौशालाको पत्रको आधारमा सुनसरी प्रहरीले उनीहरूलाई इटहरी–८ स्थित रङ्गशालाबाट पक्राउ गरेको हो । उनीहरूलाई काठमाडौँ पठाइएको जिल्ला प्रहरी परिसर सुनसरीका एक जना अधिकृतले रातोपाटीलाई बताए ।