कासिमिरोको गोलसँगै ब्राजिल र जापान १–१ को बराबरीमा, खेल रोमाञ्चक मोडमा

काठमाडौँ । जारी फिफा विश्वकप २०२६ को ‘राउन्ड अफ ३२’ अन्तर्गतको खेलमा ब्राजिलले पुनरागमन गर्दै जापानसँगको दूरी १–१ को बराबरीमा ल्याएको छ । ह्युस्टन रंगशालामा जारी खेलको दोस्रो हाफमा ब्राजिलका अनुभवी मिडफिल्डर कासिमिरोले उत्कृष्ट गोल गर्दै टोलीलाई खेलमा फर्काएका हुन् ।

नेपाली समय अनुसार सोमबार राति १०ः४५ बजे सुरु भएको खेलको पहिलो हाफमा जापानले सुरुवाती अग्रता बनाएको थियो । खेलको २९औँ मिनेटमा जापानका काइशु सानोले उत्कृष्ट गोल गर्दै टोलीलाई १–० को अग्रता दिलाएका थिए । तर, दोस्रो हाफमा आक्रामक रणनीति अपनाएको ब्राजिलका लागि ५६औँ मिनेटमा जी. मगालहेसको पासमा कासिमिरोले गोल गर्दै खेललाई रोमाञ्चक बराबरीको स्थितिमा पुर्‍याए ।