सुदूरपश्चिम सरकारका मन्त्री फेरबदल अघि मन्त्रिपरिषद् बैठक बस्दै

धनगढी । सुदूरपश्चिम सरकारका मन्त्रीहरू फेरबदल अघि मन्त्रिपरिषद् बैठक राखिएको छ । मुख्यमन्त्री कमलबहादुर शाहको अध्यक्षतामा मन्त्रिपरिषद् बैठक बसेको हो ।

मन्त्रिपरिषद् बैठकमा सहभागी हुन मन्त्रीहरू मुख्यमन्त्री तथा मन्त्रिपरिषद्को कार्यालयमा पुगेका छन् । यो बैठकबाटै मुख्यमन्त्री शाहले मन्त्रीहरूलाई धन्यवादसहित औपचारिक रूपमा बिदाइ गर्ने बताइएको छ । यद्यपि मुख्यमन्त्री तथा मन्त्रिपरिषद् कार्यालयले भने बैठकको एजेन्डा तथा उद्देश्यबारे प्रस्ट खुलाएको छैन ।