लियोनेल मेस्सी सन्न्यासपछि प्रशिक्षक होइन, क्लबको मालिक बन्न चाहन्छन्

विश्वकप विजेता तथा आठ पटकका बालोन डि'ओर विजेता लियोनेल मेस्सीले आफ्नो खेल जीवनबाट सन्न्यास लिएपछि प्रशिक्षक बन्नुको सट्टा क्लबको मालिक बन्ने योजना बनाएका छन्।

बीबीसीका अनुसार, मेस्सीले खेल जीवन अन्त्य गरेपछि अमेरिकी क्लब इन्टर मियामीमा शेयर स्वामित्व (Equity stake) खरिद गर्ने तय गरेका छन्। यसका साथै, धेरैले अपेक्षा गरेजस्तो आफ्नो बाल्यकालको अर्जेन्टिनी क्लब न्यूवेल्स ओल्ड ब्वाइजमा खेलाडी वा अन्य कुनै भूमिकामा फर्किने सोचमा उनी नरहेको पनि स्पष्ट भएको छ।