विद्यालयमा कमजोर सिकाइ

वास्तवमा हाम्रो शैक्षिक प्रणालीमा बदलाव आवश्यक छ। शिक्षकको थाप्लोमा मात्रै विद्यार्थीको जिम्माको भारी बोकाएर पुग्दैन, अभिभावक, समुदायसमेत मिलेर विद्यालय शिक्षाको गुणस्तर उकास्नुपर्छ।

विद्यालयमा जे पढाइन्छ, विद्यार्थीले त्यसलाई व्यवहारमा उतार्न सकेनन् भने मान्नुपर्छ—उनीहरूले सिकेनन् वा उनीहरूलाई सिकाइएन। त्यसो त नेपालमा विद्यालय जाने भनेको शिक्षकले पढाउने र विद्यार्थीले पढ्ने भन्ने धारणा छ। त्यो मान्यतामै खोट छ।