नेपाली श्रम र सीपले सजिएको ‘हेभेन एलईडी’, ‘फिन इलेक्ट्रो–टेक’मा हिट !

काठमाडाैं । भृकुटीमण्डपमा जारी ‘फिन इलेक्ट्रो–टेक २०२६’ प्रदर्शनीमा ‘एबिसी इन्फिनिटी प्राइभेट लिमिटेड’ अन्तर्गतको स्वदेशी ब्रान्ड ‘हेभेन एलईडी’ आगन्तुकहरूको प्रमुख आकर्षण बनेको छ ।

विगत १० वर्षदेखि नेपाली बजारमा गुणस्तरीय एलईडी लाइट तथा विभिन्न विद्युतीय सामग्रीहरू उत्पादन गर्दै आएको यस ब्रान्डले एक्स्पोमार्फत हजारौं आगन्तुक, ग्राहक तथा इन्जिनियरहरूमाझ आफ्ना उत्पादनहरू प्रत्यक्ष प्रस्तुत गर्ने सुनौलो अवसर पाएको छ ।