सुकुमबासीलाई स्थानान्तरण गर्न जग्गा प्लट मिलान तथा पूर्वाधार अध्ययन समिति गठन

पोखरा । पोखरा बसपार्कका सुकुमबासी परिवारको स्थानान्तरण गर्न जमिन प्लट मिलान तथा पूर्वाधार अध्ययन समिति गठन भएको छ । पोखरा महानगरपालिकाले वरिष्ठ इन्जिनियर सुरेन्द्र पौडेलको संयोजकत्वमा समिति गठन गरेको हो ।

जग्गा खोजी समितिको सिफारिसका आधारमा जमिन प्लट मिलान गर्न समिति बनाइएको मेयर धनराज आचार्यले जानकारी दिए । यसअघि गठित जग्गा खोजी समितिले सिफारिस गरेका जग्गाहरूमध्ये उपयुक्त ठहरिएका जग्गामा आवश्यक प्राविधिक काम गर्न समिति गठन गरिएको हो ।