४ वटा प्रदेशमा नेतृत्व गरेको एमाले बन्यो सत्ताविहीन, कहिले कहाँ गुमायो नेतृत्व ?

नेकपा एमाले सत्ताविहीन भएको छ । केन्द्रमा त सत्ताविहीन थियो नै तर शुक्रबार कोसी प्रदेशका मुख्यमन्त्री हिक्मत कार्कीले विश्वासको मत गुमाएर पदमुक्त भएपछि एमाले सबै प्रदेशमा पनि सत्ता विहीन बनेको हो ।

०७९ को पुस २४ गते मुख्यमन्त्री नियुक्त भएका कार्की एक मत कम हुँदा पदमुक्त भएसँगै एमाले सबैतिर प्रतिपक्ष बनेको छ । कार्कीलाई बहुमतका लागि ४७ मत आवश्यकता थियो तर कार्कीको पक्षमा ४६ मत मात्र प-यो भने विपक्षमा ४३ मत पर्यो ।