खेलकुद

श्रेष्ठ दक्षिण एसियाली भारोत्तोलन महासंघको महासचिव चयन

hamrokhelkud.com · Fri May 15 13:16:11 GMT 2026

काठमाडौँ (हाम्रो खेलकुद)- नेपाल भारोत्तोलन संघका अध्यक्ष रामकृष्ण श्रेष्ठ दक्षिण एसियाली भारोत्तोलन महासंघको महासचिवमा चयनको नेपाल ओलम्पिक कमिटीले जनाएको छ।

श्रेष्ठ एनओसीका सचिव पनि हुन्। भारतको गुजरातस्थित गान्धीनगरमा सम्पन्न एसियन भारोत्तोलन महासंघको साधारणसभाबाट श्रेष्ठलाई दक्षिण एसियाली भारोत्तोलन महासंघको महासचिवमा चयन गरिएको हो।

सभाबाट भारतका डा. सहदेव यादव अध्यक्षमा चयन भएका छन्। उनी भारत भारोत्तोलन महासंघका अध्यक्ष पनि हुन्। यस्तै माल्दिभ्सका इब्राहिम हामिद प्रथम उपाध्यक्ष र श्रीलङ्काका सन्का रत्नायके उपाध्यक्षमा चयन भएका छन्।

महासचिवमा चयन भएपछि श्रेष्ठले आफूले पाएको जिम्मेवारी नेपाली भारोत्तोलनको विकासमा केन्द्रित गर्ने बताएका छन्।

उनले नेपाली खेलाडीलाई अन्तर्राष्ट्रिय स्तरमा थप अवसर दिलाउन पहल गर्ने र दोस्रो दक्षिण एसियाली भारोत्तोलन प्रतियोगिता नेपालमा आयोजना गर्ने प्रस्ताव अघि बढाइएको जानकारी दिएका छन्।

टिप्पणीहरू