कोभिडमा खेलाँची नगरौं

सरकारको काम सचेतना फैलाउने हो। स्वास्थ्यका पूर्वाधार तयार गर्ने हो। तर, सर्वसाधारण नागरिकका पनि आफ्नै दायित्व छन्।

एकपटक विश्वलाई नै हायलकायल बनाइसकेको कोरोना भाइरस रोग (कोभिड–१९) पटक–पटक पुनरावृत्त भइरहेको छ। यो रोग उत्पत्ति भएको मानिएको चीनमा धेरैपटक यसको लहर आउनेजाने गरिरह्यो। अहिले फेरि भारतमा उत्पात मच्चाउन थालेको छ र त्यसको बाछिटा नेपालमा पर्दैछ।