प्रधानमन्त्री कप क्रिकेट : सुदूरपश्चिमविरुद्ध एपीएफको सहज जित

काठमाडौं । प्रधानमन्त्री कप एकदिवसीय क्रिकेट प्रतियोगितामा मंगलबार सशस्त्र प्रहरी बलको एपीएफ क्लबले सुदूरपश्चिम प्रदेशविरुद्ध १० विकेटको सहज जित हासिल गरेको छ ।

मूलपानी क्रिकेट मैदानमा सुदूरपश्चिमले प्रस्तुत गरेको ६८ रनको सामान्य लक्ष्य एपीएफले ११.२ ओभरमा कुनै पनि विकेट नगुमाई पूरा गर्‍यो । एपीएफको जितमा ओपनरद्वय आशिफ शेख र प्रदीप ऐरीले अविजित क्रमशः ४२ र २५ रन जोडे ।