श्रीलङ्काः धानगोदामलाई हात्तीको आक्रमणबाट जोगाउन नागरिक सुरक्षा तैनाथ

श्रीलङ्काका एक सहायकमन्त्रीले जङ्गली हात्तीको बढ्दो खतरालाई मध्यनजर गर्दै धान बजार बोर्डले सञ्चालन गरेको धान गोदामको सुरक्षाका लागि नागरिक सुरक्षा कर्मी परिचालन गरेको बताउनुभएको छ ।

भूमि तथा सिंचाइ सहायकमन्त्री सुसिल रणसिङ्घेले रक्षा मन्त्रालयलाई तैनाथीबारे जानकारी दिइएको र हात्तीको आक्रमणको जोखिममा रहेका ११ जिल्लाका २७ वटा गोदाममा सुरक्षाकर्मी खटाइने बताउनुभयो ।