दार्जिलिङमा गीतकार आर.बी. खड्काको ‘फर्केर हेर्दा’ भव्य रूपमा लोकार्पण

दार्जिलिङ – गीतकार आर.बी. खड्काद्वारा रचित गीतसङ्ग्रह ‘फर्केर हेर्दा’ भारतको ऐतिहासिक तथा सांस्कृतिक नगरी दार्जिलिङमा एक भव्य समारोहबीच लोकार्पण गरिएको छ। लभ एण्ड सपोर्ट फाउन्डेसन, दार्जिलिङ शाखाको आयोजनामा सम्पन्न उक्त कार्यक्रममा सङ्गीत, साहित्य तथा सामाजिक क्षेत्रका विशिष्ट व्यक्तित्वहरूको उल्लेखनीय उपस्थिति रहेको थियो ।

कार्यक्रमको सभापतित्व दार्जिलिङ नगरपालिकाकी उपसभापति श्रीमती प्रतिभा राईले गर्नुभएको थियो भने पब्लिक प्रोसिक्युटर श्री योगेश दियाली प्रमुख अतिथिका रूपमा उपस्थित हुनुहुन्थ्यो । त्यसैगरी, लभ एण्ड सपोर्ट फाउन्डेसनका सभापति श्री मनोज राईको विशिष्ट उपस्थिति रहेको थियो ।