उदयपुरमा ग्यासको मूल्य तोकिएभन्दा बढी लिएको गुनासो

डिलहरूले ग्यासको मूल्य तोकिएको भन्दा बढी लिएको जनगुनासो आएपछि उदयपुर प्रशासनले चासो व्यापारिक संगठनको ध्यानाकर्षण गराएको छ। सरकारले तोकेको ग्यासको प्रति सिलिण्डर २ हजार ६० रुपैयाँ मूल्यभन्दा ४० रुपैयाँ बढी २ हजार १ सय रुपैयाँ लिएको जनगुनासो आएको भन्दै प्रशासनले ध्यानाकर्षण भएको जनाएको हो।

निर्धारित मूल्यभन्दा बढी रकम लिएको जनगुनासो आएको भन्दै जिल्ला प्रशासन कार्यालय उदयपुरले स्थानीय व्यापारिक संघसंगठनलाई बुधबार पत्राचार गर्दै आवश्यक सहजीकरण गर्न सुझाएको छ। त्रियुगा उद्योग वाणिज्य संघ गाईघाट र जिल्ला उद्योग वाणिज्य संघ गाईघाटलाई लेखिएको पत्रमा ग्यासको मूल्य तोकिएको भन्दा बढी लिनुको कारण स्पष्ट पार्न भनेको छ।