पाकिस्तानको विदेशी भूमिमा तीन वर्षपछि टेस्ट जित, वेस्ट इन्डिजसँग शृंखला बराबर

पाकिस्तानले वेस्ट इन्डिजलाई दोस्रो टेस्टमा ८ विकेटले हराउँदै दुई खेलको टेस्ट शृंखला १–१ को बराबरीमा टुंग्याएको छ।

त्रिनिडाडमा पाकिस्तानले ७५ रनको लक्ष्य २४ ओभरभित्र पूरा गर्दै तीन वर्षपछि विदेशी भूमिमा टेस्ट जित निकालेको हो। पोर्ट अफ स्पेनमा ७५ रनको लक्ष्य पछ्याएको पाकिस्तानका अब्दुल्लाह शफिक र कप्तान बाबर आजमले अविजित २४–२४ रन बनाए।