बागमतीको सत्ता समीकरणप्रति रावलको असन्तुष्टि:’सत्ता रोज्ने प्रवृत्तिले पार्टी कमजोर हुन्छ’

काठमाडौँ – नेकपा (एमाले) का केन्द्रीय सदस्य झपटबहादुर रावलले बागमती प्रदेशको पछिल्लो सत्ता समीकरणप्रति तीव्र असन्तुष्टि जनाउनुभएको छ। पार्टीले सिद्धान्त, विधि र आन्तरिक लोकतन्त्रभन्दा सत्तालाई प्राथमिकता दिन थालेको भन्दै उनले असन्तोष व्यक्त गरेका छन् ।

सार्वजनिक धारणा राख्दै नेता रावलले नेपाली राजनीतिमा सत्ता प्राप्तिका लागि सिद्धान्त र निष्ठा पन्छाउने प्रवृत्ति पुरानै भए पनि एमालेजस्तो वैचारिक पार्टीसमेत सोही बाटोमा हिँड्नु चिन्ताजनक रहेको बताए। सत्ता प्राप्तिको अङ्कगणितमा मात्र केन्द्रित हुँदा पार्टीले आफ्नो वैचारिक पहिचान, जनविश्वास र दीर्घकालीन राजनीतिक शक्ति गुमाउने खतरा रहेको उनको भनाइ छ।