कर सूचना चुहावट प्रकरणमा अर्थमन्त्रीमाथि छानबिन गर्न राप्रपाको माग

काठमाडौं- राप्रपा संसदीय दलका नेता ज्ञानबहादुर शाहीले बजेट सार्वजनिक हुनुअघि करका दर हेरफेरसम्बन्धी सूचना चुहिएको विषयमा स्वर्णिम वाग्ले माथि संसदीय छानबिन समिति गठन गर्न माग गरेका छन्।

प्रतिनिधिसभामा बोल्दै राप्रपा संसदीय दलका नेता शाहीले करका दर परिवर्तनसम्बन्धी सूचना अर्थमन्त्रीबाहेक सीमित व्यक्तिलाई मात्र जानकारी हुने दाबी गर्दै त्यस्तो संवेदनशील सूचना बाहिरिनु गम्भीर विषय भएको बताए। उनले यस घटनालाई ‘राजद्रोहसरहको अपराध’ भन्दै सत्यतथ्य सार्वजनिक गर्न आग्रह गरे।