नेपाली उत्पादनको प्रतिस्पर्धात्मक क्षमता बढाउनुपर्नेमा जोड

नेपाली उत्पादनको प्रतिस्पर्धात्मक क्षमता बढाउनुपर्नेमा सरोकारवालाले जोड दिएका छन्।

नेपाल उद्योग वाणिज्य महासंघ अन्तर्गतको ‘नेपालको समावेशी व्यावसायिक वातावरण तथा साना तथा मझौला उद्यम अभिवृद्धि परियोजना’ले बुधबार भक्तपुरमा गरेको ‘अति कम विकसित मुलुकबाट स्तरोन्नति सचेतना कार्यशाला’मा सहभागीले नेपाल अति कम विकसित मुलुक (एलडीसी) बाट स्तरोन्नति भएपछि अन्तर्राष्ट्रिय व्यापारमा प्राप्त हुँदै आएका सुविधा क्रमशः हट्न सक्ने भएकाले यसमा विशेष जोड दिनुपर्ने बताएका हुन्। स्तरोन्नतिपछिको अवस्थाका लागि सरकार र निजी क्षेत्रबिच प्रभावकारी सहकार्यसहित अहिलेबाटै तयारी थाल्नुपर्ने बताउँदै उनीहरूले त्यसबाट उत्पन्न चुनौती सामना गर्न सबै एक हुनुपर्ने बताए।