स्वास्थ्य प्रणालीलाई डिजिटल रूपमा जोड्दै सरकार, नयाँ राष्ट्रिय मापदण्ड लागू

काठमाडौं । सरकारले स्वास्थ्य संस्थामा प्रयोग भइरहेका विद्युतीय चिकित्सा अभिलेख तथा अस्पताल सूचना प्रणालीलाई एक आपसमा जोड्ने साझा राष्ट्रिय मापदण्ड लागू गरेको छ । स्वास्थ्य तथा खाद्य स्वच्छता मन्त्रालयले ‘नेपाल कोर एफएचआईआर कार्यान्वयन निर्देशिका (एनपी कोर एफएचआईआर इम्प्लिमेन्टेसन गाइड)’ को संस्करण १.०.० स्वीकृत गरी कार्यान्वयनमा ल्याएको हो ।

निर्देशिकाले देशभरका स्वास्थ्य संस्थामा सञ्चालनमा रहेका विद्युतीय चिकित्सा अभिलेख (ईएमआर) तथा अस्पताल सूचना प्रणालीमा बिरामीको स्वास्थ्य विवरण कसरी भण्डारण गर्ने र फरक प्रणालीबीच कसरी आदानप्रदान गर्ने भन्ने साझा प्राविधिक मापदण्ड निर्धारण गरेको छ ।