रुविना क्षेत्रीले लिइन् तान्जिनियाको पहिलो विकेट

काठमाडौँ । हङ्कङमा जारी चार राष्ट्र सम्मिलित महिला टी—२० क्रिकेट शृंखलामा बुधबार नेपालले तान्जिनियाको पहिलो विकेट लिएको छ । तान्जिनियाको पहिलो विकेट नेपाली टोलीकी निवर्तमान कप्तान रुविना क्षेत्रीले लिएकी हुन् ।

रुविनाले तान्जिनियाकी ओपनर फातुमा किबासुलाई बोल्ड गरिन् । तान्जिनियाकी कप्तानसमेत रहेकी फातुमाले पेभेलियन फर्किनुअघि १५ बलको सामना गरी एक चौकाको मद्दतले ११ रन बनाएकी थिइन् । तान्जिनियाले ३.४ ओभरमा पहिलो विकेट गुमाउँदा १७ रन बनाएको थियो ।